ინტერიერზე მუშაობის დაწყებისას, უპირველეს ყოვლისა, ყურადღებით უნდა შეისწავლოთ სივრცე: ფართობი და პროპორციები, ჭერის სიმაღლე, ფანჯრების ზომა, ისევე როგორც ოთახის არქიტექტურული მახასიათებლები (რაფები, ნიშები, სვეტები). გააანალიზეთ დადებითი და უარყოფითი მხარეები. როგორ გამოვიყენოთ უპირატესობები და როგორ გამოვასწოროთ ნაკლოვანებები?


გაგიზიარებთ პრაქტიკულ ხრიკებს რომელთა საშუალებითაც ყველაზე რთულ ამოცანასაც ადვილად გაუმკლავდებით.

ოთახის სივრცის გაზრდა

ყველამ ვიცით, რომ სარკე არის უმარტივესი და ეფექტური ტექნიკა, რომელიც საშუალებას გაძლევთ ვიზუალურად გააფართოვოთ ოთახის საზღვრები, მაგრამ არ უნდა დაგვავიწყდეს, რომ ამ თვისებას ფლობს არა მხოლოდ სარკე, არამედ ნებისმიერი ზედაპირი რომელიც სინათლეს ირეკლავს. მაგალითად, პრიალა კაბინეტის კარები ან გამჭვირვალე მაგიდის ზედაპირი ვიზუალურად ამსუბუქებს სტრუქტურას და "ხსნის" მას სივრცეში. სხვათა შორის, ფეხებიანი ავეჯი ასევე აფართოებს ოთახს ვიზუალურად. მეორე ეფექტური ტექნიკა არის მსგავსი იატაკი ერთმანეთში გამავალ ოთახებში. ეს მოხსნის საზღვრებს ოთახებს შორის და თითოეული ზონის სივრცე შეუფერხებლად გადავა ერთიდან მეორეში.

ოთახის განზომილებების გასწორება

უპირველესად, დაფიქრდით სივრცის ზონირების პრინციპებზე: პოდიუმი, ხალიჩა, ავეჯის მოწყობა - ოთახის ზონებად დაყოფა ვიზუალურად შეამცირებს ოთახის სიგრძეს. არასდროს მოაწყოთ ავეჯი კედლების გასწვრივ - ეს მხოლოდ ხაზს უსვამს გრძედს და ოთახს “ გვირაბად“ აქცევს. ჩამონტაჟებული ავეჯი ძალიან ეფექტური ტექნიკაა, რომელიც საშუალებას გაძლევთ, ვიზუალურად "გამოაძროთ" კედელი, რითაც შეიცვლება ოთახის ორიგინალური ზომები.

შეასწორეთ ჭერის სიმაღლე

კარის თაღის სიმაღლის გაზრდა. ეს შეცვლის ოთახის პროპორციებს. დიახ, ასეთი კარი გარკვეულწილად უფრო ძვირია, ვიდრე სტანდარტული კარი, მაგრამ ეფექტი თქვენს მოლოდინს გადააჭარბებს. თუ თქვენ არ ხართ მზად კარის ან ფანჯრის გასაფართოებლად, მაშინ მათი სიმაღლე გაზარდეთ სპეციალური დეკორატიული გადახურვების, ყალბი ჩარჩოების,  გამოყენებით.

ითამაშეთ ჩრდილებით! ფერი არის მძლავრი ინსტრუმენტი, რომლის საშუალებითაც შეგიძლიათ დაარეგულიროთ ოთახის სივრცე: მუქი და ღია ჩრდილებით ვიზუალურად ამიღებთ და მიაახლოვებთ ობიექტებს, გააფართოვებთ ან დაავიწროვებთ სივრცეს.

ფერებით შექმნილი ილუზიური სივრცე ეს კიდევ ერთი დიდი თემაა, რომელიც ცალკე სტატიის ღირსია.